Indica un intervallo di date:
  • Dal Al

Nessuno legge le informative sulla privacy? Provate con questa in dialetto di Avm (ea società de batei e pulman de Venessia e Ciosa)

Una firma frettolosa, ma fino alla fine non le legge nessuno. Ora l’informativa della privacy dell’azienda della mobilità veneziana diventa un esperimento: a parte la parola privacy, tutto è tradotto in dialetto veneziano. Un po’ per scherzo, e un po’ no, perchè “affidereste i vostri risparmi a qualcuno che non vi dica chiaramente come ha intenzione di investirli? I dati personali hanno lo stesso valore, eppure in quanti di noi leggono le informative sulla privacy che ovunque vengono proposte?”.

Così, in tempo di Carnevale, sulla pagina Facebook è stato lanciato l’esperimento con tanto di invito ad aggiungere i commenti dei viaggiatori (e magari anche qualche espressione in altri dialetti foresti).

Eccola:

Informativa privacy in venessian

INFORMATIVA SUEA NOVA PRIVACY EUROPEA* – “vusto che tea conta o vusto che tea diga”

CHI SEMO

AVM xe ea società dei batei e dei pulman de Venessia e Ciosa (a Venessia gavemo anca i extraurbani, el people mover e el tram).

Gavemo anca i parchegi, se ti vol te prestemo e biciclete e gavemo i posti barca in darsena.

AVM xe ea capa de ACTV S.p.A. (che na volta gera l’ACNIL) e de Ve.La. S.p.A. (che xe quei che vende i biglieti).

Stemo al Troncheto, al numero trentatrè.

I nostri biglieti, se ti vol, ti pol trovarli sul sito internet o ti te pol scaricar anca ea app  (www.avmspa.it, www. www.actv.it, www.veneziaunica.it, AVM Venezia Official App).

AVM xe el “Titolare del trattamento dei dati” (però, vecio, vara che el paron del dato ti xe sempre ti!)

striscia1_avm-4

COME CHE RANCUREMO I DATI

AVM gavarà i to dati se:

  • ti te compri un biglieto del bateo/del pulman;
  • ti va dentro el sito internet;
  • ti ne domandi na informassion, ti ne fa na segnalassion o na lamentela, ti ne domandi i schei indrio;
  • ti ne disi che te va ben se te ciamemo per farte ea publicità e ti ne firmi el consenso dea privacy;
  • se staltre società del grupo de AVM e ne dà i to dati legalmente.

Varda che ti gà anca da dirne se cambia i to dati e sopratuto se ti cambi de casa.

CHE DATI GAVEMO, E COSSA CHE SAVEMO DE TI

  • Dati de contato – come che ti te ciami, dove che ti vivi, che numero de telefono ti ga, che codice fiscal, el to indirisso mail; vara de ricordarte che se ti va sul sito o ti scarichi ea app, se ti va su facebook o ste robe qua, savaremo anca e robe dei social che no ti ga sconto
  • Dati del sito internet – come che ti usi el sito internet e anca quei che i inglesi ciama i “biscotini”  (vardite ea nostra Informativa Cookie)
  • Dati del RFID   –  dove che ti ga timbrà el biglieto, se ti ga ea tesserina Venezia Unica.

COSSA CHE FASEMO COI TO DATI (FINAITÀ DEL TRATAMENTO)

I to dati ne serve per:

A) Gestir el contrato che ti ga co noialtri, risponderte ai reclami. Ricordite che ea mail ea usemo anca per darte comunicassion dei servissi, tipo quando che ghe xe modifiche dei batei, dei pulman o se ghe xe aqua alta.
Ea base del tratamento xe che gavemo da onorar el contrato.

Questi dati ti xe obligà a darnei, se ti vol el servissio.

B) Far funsionar el sito internet e l’area che gavemo creà dove ti te pol scaricar e ricevute e domandarne altre robe;

Ea base del tratamento xe che gavemo da onorar el contrato.
Questi dati ti xe obligà a darnei, se ti vol  che te rispondemo

C) Domandarte se te va ben come che funsiona i batei e staltri servissi (se ciama  Customer Satisfaction)
Ea base del tratamento xe el legitimo interesse, perché de far sta roba eo gavemo promesso al Comune nel contrato.

D) Ciamarte per far publicità (Marketing)
Ea base del tratamento xe el to consenso. Eo fasemo soeo se ti ne ga dito de si. Ti pol sempre cambiar idea e dirne de no col modueto che ghe xe sul sito.

E) Se ne obliga ea lege, o se neo domanda un giudice
Ea base del tratamento xe ea lege.

XÉ SICURI I TO DATI?

Tranquilo, i nostri sistemi informatici xe pieni de antivirus e ga un fraco de muri de fogo (firewall)

PER QUANTO TEMPO TENIMO I TO DATI

Tenimo i to dati solo che per el tempo che ne serve! Po’ i scancelemo o i distrugemo o  xe conservai, però anonimi!

Varda che i tenimo:

per el contrato: el tempo che dura el contrato e diese ani dopo che el xe finio (per ea tesserina, 1 ano dopo che a scade); el RFID dee timbrature eo scancelemo dopo 24 ore;

per el sito web: per 1 ano dopo dea scadensa del contrato;

per ea customer: 3 ani dopo che te gavemo domandà se ti geri sodisfato;

per el marketing: 2 ani dopo che ti ne ga da el consenso dea privacy;

per i giudici: tuto el tempo che serve per ea causa (se ne domanda i giudici: per tuto el tempo che ghe serve a eori per ea causa)

A CHI CHE GHEI DEMO

I to dati i vede solo che i nostri dipendenti (e anca eori vedarà solo che quei che ghe serve per lavorar), i nostri fornitori che ga bisogno de vardarli (ma va tranquilo che tanto i fornitori i nominemo responsabili e ghe domandemo de tratarli ben) e anca staltre società del grupo (Actv e Ve.La) .

CIAMINE

Se ti ga domande su ea privacy, ti  pol usar el sito web (form “privacy” –  “contatti” – sito ww.avmspa.it) o ti ne ciami al numero 0412722111 (domanda dea segreteria del legal)

Gavemo anca un responsabile dea privacy, el DPO – data protection officer – che ga na so mail dpogruppoavm@avmspa.it

I TO DIRITTI

Ti ne pol domandar:

  • de saver quali xe i to dati
  • ea portabilità dei dati
  • ea retifica (per esempio, se no i xe scriti giusti)
  • de scancearli, se no gavemo più el dirito de tenirli
  • per el marketing o staltri casi de consenso dea privacy, ti pol sempre dir de no
  • ea limitassion del tratamento, se xe previsto da ea lege.

Ti te pol anca opor al tratamento nel caso de legitimo interesse, per esempio quando che te domandemo se ti xe soddisfato dei batei (customer).

Se ancora no ti xe contento, ti pol domandarghe al Garante dea privacy (www.garanteprivacy.it) come far reclamo.

gavemo scrito quasi come che se parla, ma in verità savemo che se scriveria diverso…..ma siccome no semo Ruzzante, Boerio, Baffo o Carlo Goldoni se gavemo fato svarioni co ea lengua, te domandemo scusa (e mandine i to sugerimenti)